Sizin yalan ve entrikalarinizla bas edemedim bu bana dert oldu...ama önünüzde diz cökmedim buda size dert olsun...(Seyit Riza)....

   
 
  qeside zazu

MEVINDE

Ahmed Arif (aktari: H.Tornêcengi)

Mevınde hên
Hên mılayim, hên ğeriv
Koti bena va bıve,
Zere de, tever de, derse de, dore de
Bırame´ra ser, so´ra ser
Tüyê riyê celladi ke,
kêmfersendi,
fêsad u xayini!

Hover bıde eve kıtav
Hover bıde eve kar u gure
Eve nenık, eve dıdon
Eve omıd, eve sawda u ğeyal
Hover bıde ha!
Rişia meke mı!

Bıvêne çıtur newede yenu dina
Eve qeyretê tuyê pak u zelali
Hona çênê mı estê,
lazê mı resenê ra
Her jüyê xo, cıra nino nêverdoğê homete
Sosına kesreta mına yê çond hazar-serru.
Lewê mıno çımunê tora
Omıdê mı todero,
Zonena!

Ahmed Arif
Çarnayis: H. Tornêcengi

 

 

SOSINA MI

Hawar Tornêcengi


Sosına mı!
Sıpêdiyê sodıri de,
roz koy ser erjiyo
Vorayisê şiliye
hard kerdo hit
Toxumê nuni
vıle dardo we
Her çi xo vurno,
biyo newe
Heqa made
kok u ferman veto
Jü zerra bele menda,
mavênê mın u tode...

Sosına mı!
Bızone ke,
kertê merden u weşiye derime.
Coru waro megıne,
Semtêna xorê zerar kena.
Hêştiru war me ke!
Nêşikinê 'ra rındekiya to
Porrê xo palax-,
xo der u beder me ke!

Sosına mı!
Serva rozunê rındeku
destê xo zerê destê mı ke
Bê, pia weşiye ser şime.

Niade!
Omêda mawa ke dest nêresto cı
Hawa rewina eve lawıka ma.

Jü lawıke vatêne zerre ra:
Serva sosına mı bo
Serva delala mı bo
Qesê mın u to ki
Bınê dêşti ra jü bo.

Va bo, va bo, va bo
Sosına mı va bo
Şêno şisık ra bo
Zerro nêwes sa bo.

Vanu, vanu, vanu
Serva rında xo vanu
Can u ro ra danu
Sosıne xorê anu

14.03.'93

 

 

Xeyri DALKILIC (akt. H. Tornêcengi)

Welat persena, welat mara düro
Zereqê tiji sokmıskerdo, sodıro

Welat zof kuto ra ma viri
Wusar ma werdêne kenger u şiri

Hêlıge kerdêne arê, sıng u rıveşi
Savıla khırr-kêwiye, tırsıka tırşi

Çêwu barkerdêne, şiyêne waru
Dewe de kokımi bervêne, eve şüaru

Vas çinitêne, fike u mırzor
Waru de ki şamboe ve kınkor

Cêwn çarnêne, genım estêne ra vay ver
Kerdêne arê nun, ğıze de estêne pêser.

Biyêne payiz, waru ra barkerdêne amêne
Koyê çêvêsayi devana ho ve ho nalêne

Devana pêyniya dina ama, her çi biyo melul
Dina de kês çino, coka nêwaneno bılbıl

Şiliya payiji hurdi hurdi vorêne
Qırawu eştêne, husku girêdêne


Rozê ustêne ra ke, vore noro cı vora
Qamısarat cêvışiyo, rae pê huyu keme ra

Koliu kena sova, hêzu erzena ver
Sova gımena, coru nêbena serd

Şiro qult pozenê, nisenê ser
Sanıku qesey kenê, sewunê dergu de ciranu anê pêser.

Marte ke amê bena yorxêçıke, sepeta ho cême
Vore dame ra, herre ra hêgu pux keme

Belek kuno verê vore
Roji benê derg, tiji herey sona koro

Derdê çêvêsayi oncia benê têra
Xeyri oncia şüaru vano ho vero.

*Amnon, 1990
KESRETA ZERRÊ MI(Kılami), Vejiyaisê Tiji, Istanbol.

DEWRO VIREN
Diyarbakir
 
Zazalar Kartaldir onun icin ucuruma yuva yaparlar...!!!
Reklam
 
 


 


 

=> Sen de ücretsiz bir internet sitesi kurmak ister misin? O zaman burayı tıkla! <=